Jowhar,(insidesomalia.org)-Ciidanada Maxkamadaha Islaamiga ayaa galabta gudaha usoo galay Magaalada Jowhar, iyagoo ku hubeysan Gaadiidka Dagaalka.

Ciidamadan Maxkamadaha islaamiga ayaa galabta casir gaabadkii waxay mar kale gudaha u galeen Magaalada Jowhar oo aheyd mudooyinkan danbe mid aan wax Maamul ah ka jirin.

Gelitaanka Xoogaga Maxkamadaha ayaa imaanaya saacado kadib markii ay Magaalada ka baxeen Ciidamo Itoobiyaan ah oo muddo labo Maalmood joogay Magaalada Jowhar.

Dadka Magaalada Jowhar ayaa mar kaliya ka war helay, Gaadiidka dagaalka iyo Ciidamada Maxkamadaha ee lagu yaqiinay in ay madax ku duubtaan Camaamado Gaduudan, waxaana ay Magaalada kasoo galeen dhowr jiho.

Magaalada Jowhar oo labadii maalmood ee la soo dhaafay ay amaan dari ka jirtay ayay dadku sheegayaan in Maxkamadaha ay u yeerteen Odayaasha Magaalada si ay u sugaan amaanka.

Waxaa xilliyada habeenkii Magaalada ku soo badanayay dhaca dadka loo geysanayo, waxaase ay calaamad su'aal ka taagan tahay inta ay sii sugi karaan amaanka Magaalada Jowhar xoogaga Maxkamadaha Islaamiga ah.

Lama oga inta ay sii joogayaan Maxkamadaha Islaamiga, oo muddo ka badan 5 jeer Magaalada soo galay, isla markaana dagaal kula galay Magaalada Ciidamada Maamulka Gobolka Shabellaha Dhexe dabadeedna isaga baxay